Ózbekstanda buqaralyq aqparat quraldaryn tirkeýden ótkizý úshin aqparat jáne kommýnikatsiia agenttigine tikelei ótinish tapsyrýdyń qajeti joq. Budan bylai BAQ memlekettik qyzmet kórsetý ortalyǵy arqyly tirkele alady. Bul aqparatty Ózbekstannyń aqparat jáne kommýnikatsiia agenttigine silteme jasaǵan Azattyqtyń Ózbek qyzmeti (Ozodlik radiosy) habarlady.
Jańa ereje boiynsha, ótinish berýshi memlekettik qyzmet kórsetý ortalyǵy nemese memlekettik qyzmet boiynsha biryńǵai portalǵa baryp, arnaiy ótinish formasyn toltyryp, redaktsiia jarǵysy, quryltaishylar kelisim-sharty siiaqty qujattardy tapsyra alady.
Buryn BAQ-ty tirkeý úshin 30 kún ýaqyt berilse, qazir ol merzim eki esege azaiǵan.
Baqylaýshylar Ózbekstanda 2016 jyly Shavkat Mirziiaev prezident bolyp sailanǵannan keiin eldegi sóz bostandyǵy ahýaly burynǵydan azdap jaqsara bastaǵanyn aitqan.
Tutqyndaǵy birneshe jýrnalist bostandyqqa shyǵyp, kei aqparat quraldary azamattardy maqta terýge májbúrleý siiaqty buǵan deiin qozǵamai kelgen kókeikesti taqyryptardy jaza bastaǵan. Alaida elde tsenzýra áli de basym, al bilik aqparat quraldaryn zańsyz baqylaýdy jalǵastyryp otyr deidi quqyq qorǵaýshylar.
