ٶزبەكستاندا بۇقارالىق اقپارات قۇرالدارىن تٸركەۋدەن ٶتكٸزۋ ٷشٸن اقپارات جەنە كوممۋنيكاتسييا اگەنتتٸگٸنە تٸكەلەي ٶتٸنٸش تاپسىرۋدىڭ قاجەتٸ جوق. بۇدان بىلاي باق مەملەكەتتٸك قىزمەت كٶرسەتۋ ورتالىعى ارقىلى تٸركەلە الادى. بۇل اقپاراتتى ٶزبەكستاننىڭ اقپارات جەنە كوممۋنيكاتسييا اگەنتتٸگٸنە سٸلتەمە جاساعان ازاتتىقتىڭ ٶزبەك قىزمەتٸ (وزودليك راديوسى) حابارلادى.
جاڭا ەرەجە بويىنشا, ٶتٸنٸش بەرۋشٸ مەملەكەتتٸك قىزمەت كٶرسەتۋ ورتالىعى نەمەسە مەملەكەتتٸك قىزمەت بويىنشا بٸرىڭعاي پورتالعا بارىپ, ارنايى ٶتٸنٸش فورماسىن تولتىرىپ, رەداكتسييا جارعىسى, قۇرىلتايشىلار كەلٸسٸم-شارتى سيياقتى قۇجاتتاردى تاپسىرا الادى.
بۇرىن باق-تى تٸركەۋ ٷشٸن 30 كٷن ۋاقىت بەرٸلسە, قازٸر ول مەرزٸم ەكٸ ەسەگە ازايعان.
باقىلاۋشىلار ٶزبەكستاندا 2016 جىلى شاۆكات ميرزيياەۆ پرەزيدەنت بولىپ سايلانعاننان كەيٸن ەلدەگٸ سٶز بوستاندىعى احۋالى بۇرىنعىدان ازداپ جاقسارا باستاعانىن ايتقان.
تۇتقىنداعى بٸرنەشە جۋرناليست بوستاندىققا شىعىپ, كەي اقپارات قۇرالدارى ازاماتتاردى ماقتا تەرۋگە مەجبٷرلەۋ سيياقتى بۇعان دەيٸن قوزعاماي كەلگەن كٶكەيكەستٸ تاقىرىپتاردى جازا باستاعان. الايدا ەلدە تسەنزۋرا ەلٸ دە باسىم, ال بيلٸك اقپارات قۇرالدارىن زاڭسىز باقىلاۋدى جالعاستىرىپ وتىر دەيدٸ قۇقىق قورعاۋشىلار.
