Ózbekstanda 70 jastaǵy naýqas koronavirýstan jazylyp shyqty. Tashkent turǵyny epidemiologiia, mikrobiologiia jáne juqpaly aýrýlar ǵylymi zertteý institýtynyń klikasynda emdelgen. Oǵan naýqastardan virýs juqqan. Emdelgennen keiin test alynyp, naýqasta koronavirýs joq ekeni anyqtalǵan.
16 sáýirde Buhara qalasyndaǵy infektsiialyq aýrýhanada emdelgen taǵy 20 naýqastyń (10 er adam, 10 áiel) aiyqqany belgili boldy. 11-i - Tashkentten, tórteýi Samarqand oblysynan, ekeýi - Jizaq oblysynan jáne úsheýi - Qashqadariia, Naýai, Tashkent oblystarynan. Eń úlkeni - 57 jasta, eń kishisi - 21-de. Barlyq naýqastar Buharaǵa Túrkiiadan ushyp kelgen. Koronavirýs anyqtalǵannan keiin oblystyq infektsiialyq aýrýhanaǵa jatqyzylǵan bolatyn.
Ózbekstanda koronavirýstan 129 adam aiyqqan. 4 adam qaitys bolǵan. Barlyǵy 1349 adamnan koronavirýs tabylǵan.
