30 maýsymda Ferǵana oblysynyń Ózbekstan aýdandyq soty 12 jastaǵy oqýshyǵa intimdi jaqyndyq usynǵan 42 jastaǵy mýzyka pániniń muǵalimine sheshim shyǵardy.
Sot ony "usaq buzaqylyq" baby boiynsha aiypty dep tanyp, 15 táýlikke qamaý jóninde sheshim shyǵarǵan. Muǵalim bir jyldan keiin mekteptegi jumysyna qaityp orala alady.
Oqýshynyń advokaty aiyptalýshy Ákimshilik kodeks emes, Qylmystyq kodeks boiynsha jazaǵa tartylýy kerek edi deidi.
– Sýdia bul adamǵa qatysty Qylmystyq kodekstiń keminde úsh babyn - "Qylmys jasaýǵa daiyndalý", "Áieldi tósek qatynasyna májbúrleý" jáne "Jasy kámeletke tolmaǵan jetkinshekke azǵyndyq áreketin jasaý" baptaryn qoldanýy kerek edi. Sýdia eger osy úsh bapty qoldanyp, aiyptalýshyny jazalasa, sot ádildigi bolatyn edi, – deidi advokat.
Sot málimeti boiynsha, oqýshy qyzǵa mýzyka pániniń muǵalimi intimdi jaqyndyq usynyp, hat jazǵan. Ol bul hatty áke-sheshesine kórsetken. Áke-sheshesi birden quqyq qorǵaý organdaryna aryzdanǵan.
Endi Ózbekstan aýdanynyń turǵyndary jazalanýshy 15 táýlikten keiin bostandyqqa shyǵady dep balalary úshin qorqyp otyr.
Eldiń bilim berý ministrligi bul oqiǵadan habary joq ekenin aitty.
