Ózbekstannyń Sýrhandariia oblysynda sirek kezdesetin týa bitken patologiiamen sábi dúniege keldi, dep habarlaidy ult.kz Qaz365.kz saityna silteme jasap.
Ul bala 28 sáýir kúni Sýrhandariia oblysynyń Sherabad aýdanynda týǵan. Kelesi kúni ol Samarqand oblystyq kópsalaly balalar meditsinalyq ortalyǵyna jetkizilgen.
Tekserý barysynda dárigerler náresteden birneshe týa bitken damý aqaýyn anyqtaǵan. Mamandardyń málimetinshe, bul jaǵdai jabysyp týǵan egizder sindromymen bailanysty bolǵan. Sonyń saldarynan sábidiń denesiniń tómengi bóliginde qosymsha aiaqtar qalyptasqan.
Hirýrgter kúrdeli eki operatsiia jasap, artyq aiaqtardy alyp tastaǵan. Olardyń ekeýi tolyq damymaǵan ári qozǵalyssyz bolǵany aitylady.
Qazirgi ýaqytta balanyń jaǵdaiy turaqty. Alaida dárigerler onyń tolyq saýyǵýy úshin aldaǵy ýaqytta taǵy birneshe ota jasaý qajet ekenin habarlady.
Mamandardyń aitýynsha, mundai patologiia kezinde nárestelerdiń aman qalý kórsetkishi tómen bolady. Soǵan qaramastan dárigerler balanyń ómirin saqtap qalý úshin barlyq múmkindikti paidalanýǵa nietti.
Dárigerler kishkentai naýqastyń jaǵdaiyn turaqty baqylaýda ustap otyr
