Ózbekstannyń ulttyq aqparat agenttigi prezident Shavkat Mirziiaevtiń qyzynyń 4 qarashadaǵy týǵan kúnin eleýli oqiǵa retinde kórsetti. Agenttik ol týraly aqparatyn "Prezident Shavkat Mirziiaevtiń úlken qyzy Saida Mirziiaeva búgin týǵan kúnin merekeleidi" dep bastady.
Jańalyqtyń birinshi abzatsyndaǵy Saida Mirziiaevanyń ómirbaiany bir kún boiy basty bette, kórneki orynda turdy.
Biyl qańtarda Saida Mirziiaeva prezident ákimshiligi janynan qurylǵan Ózbekstannyń kommýnikatsiia jáne aqparat agenttigi basshysynyń orynbasary qyzmetine taǵaiyndalǵan.
Ómirbaianyna qaraǵanda, Mirziiaeva álem ekonomikasy men diplomatiiasy ýniversitetiniń zań fakýltetin bitirgen. Alaida ákesi 2016 jyly Ózbekstan prezidenti bolǵaly beri memlekettik qurylymdarda jumys istegeni jaily derek joq.
Reuters agenttiginiń habarlaýyna qaraǵanda, Shavkat Mirziiaevtiń ekinshi qyzy Shahzoda Mirziiaeva da - memlekettik qyzmetker. Shavkat Mirziiaevtiń uly Álisher týraly aqparat sirek kezdesedi.
