Ózbekstan 2012 jyly 30 mamyrda Ashhabadta Táýelsiz Memleketter Dostastyǵy Úkimet basshylary keńesiniń otyrysynda qol qoiylǵan kelisimge qosyldy. Bul týraly ÓzA agenttigi habarlady.
Ózbekstan Prezidentiniń «Halyqaralyq shartqa qosylý týraly» Jarlyǵyna orai, Ózbekstan TMD-ǵa múshe memleketterdiń óndiristik kooperatsiiasy jáne ónerkásiptik saiasaty keńesin qurý týraly kelisimine qosyldy.
Kelisimge bailanysty qatysýshy taraptar TMD-ǵa múshe memleketterdiń ónerkásip salasynda kelesi baǵyttar boiynsha yntymaqtastyq jasaidy:
- óndiristik saiasat týraly sheshimderdi ózara kelisim boiynsha ázirleý;
- óndiristik yntymaqtastyq týraly TMD sheńberinde qabyldanǵan halyqaralyq kelisimder men sheshimderdiń oryndalýyn qamtamasyz etý;
- osy Kelisimge qatysýshy memleketterdiń jekelegen salalardaǵy yntymaqtastyǵynyń negizgi baǵyttaryn anyqtaý, ónerkásip salasyndaǵy yntymaqtastyqty damytýdyń negizgi baǵyttaryn úilestirý, birlesken baǵdarlamalar men jobalardyń tizbesin qalyptastyrý;
- salalar men biznestiń básekege qabilettiligin jáne turaqty damýyn arttyrýǵa baǵyttalǵan ónerkásip salasyndaǵy birlesken qyzmetti úilestirý jáne t.b.
Ózbekstanda osy Halyqaralyq kelisimniń oryndalýyna Ekonomikalyq damý jáne kedeilikti tómendetý ministrligi jaýapty quzyretti organ retinde taǵaiyndaldy.
