Ózbekstan syrtqy ister ministri Abdýlaziz Kamilov jáne "Taliban" ókili molla Abdýl Ǵani Baradar.
Ózbekstan syrtqy ister ministri Abdýlaziz Kamilov "Taliban" qozǵalysy Aýǵanstandy terroristerden tazalap jatqanyn málimdedi. Bul týraly Latviianyń SIM basshysy Edgars Rinkevichspen kezdesýden keiingi baspasóz máslihatynda aityldy, dep habarlaidy Azattyq.
"Tálipter ólkeni terroristerden tazalaý úshin óte kóp is istep jatyr. Budan bólek olar aimaqtyq jáne halyqaralyq ekonomikalyq qaýymdastyqtarmen integratsiia bolǵanyn qalaidy. Biz olardyń mundai áreketin qoldap, sonymen birge zorlyq-zombylyqty toqtatý, terrorizmdi joiý, dostyq kórshi kelisimderdi qurý jáne aýǵan eliniń jaǵdaiyn jaqsartý sekildi sharttarmen talap etýimiz kerek", - dedi Kamilov.
Onyń sózinshe, Aýǵanstanǵa kómek bergen Ózbekstannyń jalǵyz maqsaty — bul ólkede gýmanitarlyq apatty boldyrmaý. Ministr ózbek taraptyń bastamasymen Aýǵanstanǵa gýmanitarlyq kómek jetkizýdi uiymdastyrý úshin Termezde kóp fýnktsiialy halyqaralyq kólik hab qurylǵanyn taǵy bir atap ótti.
"Qazir bul ólkedegi ýaqytsha úkimetti taný jáne tanymaý jóninde kóptegen pikirler bar. Biz tálip úkimetin taný máselesi olardyń áreketine qarai sheshilýi kerek dep esepteimiz. Atap aitsaq, ýaqytsha úkimet óz ýádelerin atqarýy tiis, buǵan sonymen birge halyqaralyq qaýymdastyq qoiyp otyrǵan talapty da oryndaý kiredi", - dedi Kamilov.
Tálipter Aýǵanstanda bilikti 2021 jyldyń tamyz aiynda basyp alǵan. Ázirge olardy álemniń birde-bir eli moiyndamady.
