Ózbekstannan qashqan aýǵan ushqyshtary men ózge de qyzmetkerler BAÁ-ge ushqan ushaqta. 12 qyrkúiek 2021 jyl.
Ózbekstanǵa qashqan aýǵan ushqyshtarynyń birqatary 12 qyrkúiekte Birikken Arab Ámirligine (BAÁ) ushyp ketti. Bul týraly Reuters agenttigi AQSh-ta bilim alǵan aýǵan ushqyshynyń sózderine silteme jasap habarlady, dep jazady Azattyq.
Aqparatqa qaraǵanda, tálipterdiń ushqyshtardy keri qaitarý týraly talabyna qaramastan, olar jeksenbi kúni BAÁ-ge ushyp ketken.
Ázirge AQSh memlekettik departamenti, BUU jáne "Taliban" qozǵalysy bul málimet boiynsha túsinikteme bermedi.
Senbi kúni The Wall Street Journal basylymy aýǵan ushqyshtaryn AQSh-tyń Katardaǵy áskeri bazasyna jóneltip, ol jaqtan basqa ólkelerge jetkiziledi dep jazǵan.
Reuters aýǵandar ushyp kelgen A-29 úlgisindegi 22 ushaq pen UH-60 Black Hawk úlgisindegi 24 tikushaqtyń qazir qaida ekeni belgisiz deidi.
15 tamyzda "Taliban" Aýǵanstan astanasy Kabýlǵa basyp kirgennen keiin 585 aýǵan ushqyshy otbasymen Ózbekstanǵa qarai qashqan.
Tálipter Ózbekstannan ushqyshtardy qaitarý jóninde talap etken. Sol sebepti resmi Tashkent AQSh-tan bul máseleni tezirek sheshýdi ótingen.
