23 naýryzda Ýkrainadan Polshanyń Katovitse áýejaiy arqyly 146 ózbek azamaty eline qaitaryldy. Bul jóninde Ózbekstan syrtqy ister ministrliginiń resmi ókili Iýsýf Qabyljanov habarlady.
Evakýatsiialanǵandar arasynda 42 áiel, 12 bala jáne eki náreste bar.
28 aqpan men 24 naýryz aralyǵynda 27 aviareis ushyrylǵan, soǵys oshaǵynan 6030 ózbek azamaty evakýatsiialanǵan.
Elshiliktiń habarlaýynsha, Lvov qalasyna ýaqytsha shoǵyrlanǵan Ózbekstannyń Ýkrainadaǵy elshiligi Polshadaǵy elshilikpen birigip, sondaǵy ózbek azamattarymen turaqty bailanys ornatyp, evakýatsiia máselesin úilestirip jatyr.
Osyǵan deiin Ózbekstan syrtqy ister ministri Abdýlaziz Kamilov ózbek diplomattary shamamen 6 myń ózbek azamatyn Ýkrainadan evakýatsiialady dep málimdegen. 17 naýryz kúngi málimet boiynsha ol jaqta shamamen 300 ózbek azamaty qalǵan, qaýipsizdik máselesine bailanysty olardy basqa jaqqa kóshirý qiyndaǵan. Ózbekstan SIM Ýkrainadaǵy azamattaryn evakýatsiialaý máselesin Siriiadaǵy qandastaryn qaitarý operatsiiasymen salystyrǵan.
