Ózbekstan biligi eldiń barlyq týristik qalalarynda sheteldik qonaqtarǵa satyp alǵan zatynyń qosylǵan qun salyǵyn qaitarý júiesin engizbek. Bul jaiynda Ózbekstan Respýblikasy Prezidentiniń baspasóz qyzmetinen málim etti, dep habarlaidy QazAqparat.
Taratylǵan aqparatqa qaraǵanda Ózbekstan Prezidenti Shavkat Mirziioev beiindi vedomstvolarǵa osyǵan qatysty naqty tapsyrma júktegen.
Ózbekstan Prezidentiniń atap ótýinshe, Tashkentte, Samarqand pen Buqarada tax free júiesin engizý, sonymen qatar qalalarda Duty Free dúkenderin ashý arqyly jeke saýda-sattyq kólemin eki-úsh ese arttyrýǵa bolady.
«Tolyqtai alǵanda, sheteldik qonaqtardyń satyp alǵan zattaryna qosylǵan qun salyǵyn qaitarý júiesin barlyq týristik qalalarda engizý qajet. Osy úsh qalanyń mysalynda kórsetilgen múmkinshilikter barlyq oblys ortalyqtary men iri qalalar úshin ózekti», - dedi Shavkat Mirziioev.
Aita keteiik, Ózbekstanda sheteldikter bólegen qosylǵan qun salyǵynyń somasyn qaitarý júzesin engizý týrly jospar sonaý 2019 jyly ókterilgen bolatyn. Ózbekstan Qarjy ministrligi ony 2020 jyldyń 1 shildesinen engizýdi kózdegen edi. Alaida koronavirýs pandemiiasyna bailanysty ony engizý merzimi keiinge shegerildi.
