ٶزبەكستان بيلٸگٸ ەلدٸڭ بارلىق تۋريستٸك قالالارىندا شەتەلدٸك قوناقتارعا ساتىپ العان زاتىنىڭ قوسىلعان قۇن سالىعىن قايتارۋ جٷيەسٸن ەنگٸزبەك. بۇل جايىندا ٶزبەكستان رەسپۋبليكاسى پرەزيدەنتٸنٸڭ باسپاسٶز قىزمەتٸنەن مەلٸم ەتتٸ, دەپ حابارلايدى قازاقپارات.
تاراتىلعان اقپاراتقا قاراعاندا ٶزبەكستان پرەزيدەنتٸ شاۆكات ميرزييوەۆ بەيٸندٸ ۆەدومستۆولارعا وسىعان قاتىستى ناقتى تاپسىرما جٷكتەگەن.
ٶزبەكستان پرەزيدەنتٸنٸڭ اتاپ ٶتۋٸنشە, تاشكەنتتە, سامارقاند پەن بۇقارادا tax free جٷيەسٸن ەنگٸزۋ, سونىمەن قاتار قالالاردا Duty Free دٷكەندەرٸن اشۋ ارقىلى جەكە ساۋدا-ساتتىق كٶلەمٸن ەكٸ-ٷش ەسە ارتتىرۋعا بولادى.
«تولىقتاي العاندا, شەتەلدٸك قوناقتاردىڭ ساتىپ العان زاتتارىنا قوسىلعان قۇن سالىعىن قايتارۋ جٷيەسٸن بارلىق تۋريستٸك قالالاردا ەنگٸزۋ قاجەت. وسى ٷش قالانىڭ مىسالىندا كٶرسەتٸلگەن مٷمكٸنشٸلٸكتەر بارلىق وبلىس ورتالىقتارى مەن ٸرٸ قالالار ٷشٸن ٶزەكتٸ», - دەدٸ شاۆكات ميرزييوەۆ.
ايتا كەتەيٸك, ٶزبەكستاندا شەتەلدٸكتەر بٶلەگەن قوسىلعان قۇن سالىعىنىڭ سوماسىن قايتارۋ جٷزەسٸن ەنگٸزۋ تۋرلى جوسپار سوناۋ 2019 جىلى ٶكتەرٸلگەن بولاتىن. ٶزبەكستان قارجى مينيسترلٸگٸ ونى 2020 جىلدىڭ 1 شٸلدەسٸنەن ەنگٸزۋدٸ كٶزدەگەن ەدٸ. الايدا كوروناۆيرۋس پاندەميياسىنا بايلانىستى ونى ەنگٸزۋ مەرزٸمٸ كەيٸنگە شەگەرٸلدٸ.
