6 qarasha kúni saǵat 11:00-de Tashkentte Olii Majlisi ǵimaratynyń jańadan salynǵan úlken májilis zalynda Olii Majlistiń Zań shyǵarý palatasy men Senatynyń jańa sailanǵan Prezidentti ulyqtaýǵa arnalǵan birlesken otyrysy ótedi.
Bul týraly Ózbekstan Parlamenti baspasóz qyzmetinde málimet taratyldy, dep habarlaidy QazAqparat.
Eske salaiyq, 29 qazanda Ózbekstannyń Ortalyq sailaý komissiiasy Prezident sailaýynyń qorytyndysyn resmi túrde jariialady.
OSK tóraǵasy Zainiddin Nizamhodjaevtyń aitýynsha, resmi málimetter boiynsha sailaýshylar kelesidei daýys bergen:
- sailaýǵa qatysqandardyń 5,48 paiyzy (888 515 adam) Ózbekstannyń «Millii tiklanish» demokratiialyq partiiasynan kandidat Álisher Qadyrovqa daýys berdi;
– Kásipkerler men iskerler qozǵalysy – Ózbekstan Liberal-demokratiialyq partiiasynyń kandidaty Shavkat Mirziiaevqa 80,12 paiyzy (12 988 964 adam) daýys berdi;
- 6,63 paiyzy (1 075 516 adam) Ózbekstan halyqtyq-demokratiialyq partiiasynan kandidat Maqsýda Vorisovaǵa daýys berdi;
- Ózbekstannyń «Adolat» sotsial-demokratiialyq partiiasynan kandidat Bahrom Abdýhalimovqa 3,39 paiyzy (549 766 adam) daýys berdi;
– Sailaýǵa qatysqandardyń 4,14 paiyzy (670 641 adam) Ekologiialyq partiiadan kandidat Narzýlla Oblomýrodovqa daýys berdi.
Ózbekstan prezidenttigine ekinshi merzimge sailanǵan Shavkat Mirziiaevti ulyqtaý rásimi 6 qarashada ótedi.
