Foto: ashyq derekkóz
Ózbekstan quramasy fýtboldan alǵash ret Álem chempionatyna joldama alyp, tarihi jetistikke jetti. Osyǵan orai, el prezidenti Shavkat Mirziioev fýtbolshylarǵa erekshe qurmet kórsetip, BYD markaly kólikter syilady, dep habarlaidy Ult.kz.
Sonymen qatar, quramanyń bas bapkeri, oiynshylary men jattyqtyrýshylar memlekettik nagradalarmen marapattaldy.
Ózbekstan fýtbol quramasy buǵan deiin BAÁ quramasymen teń oinap (0:0), Aziia aimaǵynyń irikteý týrnirinde óz tobynda 2-oryndy ielengen bolatyn. Bul nátije Ózbekstanǵa 2026 jylǵy Álem chempionatyna qatysýǵa múmkindik berdi. Jaqynda Ózbekstan quramasy Qatardy 3:0 esebimen utyp, irikteý kezeńin jeńispen aiaqtady.
