Termez qalasynda Ózbekstan men Aýǵanstan delegatsiialarynyń jumys kezdesýi ótti, dep habarlaidy QazAqparat tilshisi Ózbekstan Respýblikasy Investitsiia jáne syrtqy saýda ministrligine silteme jasap.
Ózbekstan delegatsiiasyn premer-ministr orynbasary, ÓR Investitsiia jáne syrtqy saýda ministri Sardor Ýmýrzakov basqarsa, aýǵandyq tarap atynan ýaqytsha úkimet basshysy orynbasarynyń mindetterin atqarýshy Abdýl Salam Hanafi keldi.
Kelissózder barysynda túrli minstrlikter men vedomstvo ókilderi shekara qaýipsizdigin qamtamasyz etý, investitsiia, ózara saýda, energetika, halyqaralyq júk tasymaly jáne tranzit salalaryndaǵy yntymaqtastyq máselelerin ortaǵa saldy. Qatysýshylar sondai-aq, bilim berý jáne gýmanitarlyq saladaǵy bailanysty damytý jaiynda pikir almasty. Infraqurylymdyq jobalardy iske asyrý, sonyń ishinde «Sýrhan – Pýli-Hýmri» elektr tasymaldaý jelisi jáne «Termez – Mazari-Sharif – Kabýl – Peshavar» temir joly qurylysyna erekshe kóńil bólindi.
Kezdesý sońynda talqylanǵan máseleler boiynsha birqatar ekijaqty kelisimderge qol jetkizildi.
