Búginnen bastap Ózbekstannyń Densaýlyq saqtaý ministrligi COVID-19 statistikasyna pnevmoniia jaǵdailaryn da engizetin boldy, dep habarlaidy "Ult aqparat".
Vedomstvonyń málimeti boiynsha, ótken táýlikte respýblikada koronavirýs juqtyrýdyń 496 jaǵdaiy, pnevmoniiamen aýyrýdyń 172 jaǵdaiy tirkelgen.
Osy ýaqytqa deiin Ózekstan Densaýlyq saqtaý ministrligi statistikaǵa tek testileýmen rastalǵan koronavirýs jaǵdailaryn engizip kelgen bolatyn.
Al infektsiialyq statsionarlarda pnevmoniiadan emdelgender COVID-19 statistikasynda eskerilmei kelgen.
Ózbekstandyq mamandardyń aitýynsha, jańa ádisteme qalyptasqan epidemiologiialyq jaǵdaidy naqty baǵalaýǵa múmkindik bermek. Óitkeni resmi statistika aýrýhanalar men infektsiialyq statsionarlardyń jumys júktemesi joǵary ekenin kórsetip otyr.
28 maýsymnan bastap Ózbekstanda epidemiologiialyq jaǵdaidyń ýshyǵýyna bailanysty karantindik sharalar kúsheitilgen bolatyn. Ózbekstan astanasy eki aptalyq karantinge jabylyp, qalada qosymsha 2 myń oryndyq rezervi bar COVID- ortalyq ashyldy.
