Ózbekstan Respýblikasynyń Bas prokýratýrasy Aýǵanstan áýe kúshterine tiesili ushaqtyń Ózbekstan aýmaǵynda apatqa ushyraýynyń sebepterin atady, dep habarlaidy "Ult aqparat".
Ministrliktiń málimetinshe, 14-15 tamyz aralyǵynda Aýǵanstannan 22 áskeri ushaq pen 24 áskeri tikushaq Ózbekstan shekarasyn zańsyz kesip ótken. Olardyń barlyǵy Termez qalasynyń áýejaiyna qondyryldy. Bortta 585 aýǵan sarbazy bolǵan.
«Sonymen birge, 15 tamyzda EMBRAYER-314 áskeri úsh ushaǵy Qarshydaǵy Hanabad áýejaiyna qonýǵa ruqsat surady. Ushaqtar Ózbekstan Qorǵanys ministrliginiń MiG-29 eki áskeri ushaǵynyń súiemeldeýimen Termez áýejaiyna baǵyttaldy. Alaida, baqylaý kezinde EMBRAYER-314 pen MiG-29 ushaǵy soqtyǵysyp, Sýrhandariia oblysynyń Sherabad aýdanynda qulady. Bul ushaqtardyń ushqyshtary parashiýtpen qondy», - dep habarlady Bas prokýratýranyń baspasóz qyzmeti.
Atalmysh vedomostvo osy fakti boiynsha qylmystyq is qozǵalǵanyn málim etti.
Esterińizge sala keteiik, búgin áleýmettik jelilerde Aýǵanstan Áskeri-áýe kúshteriniń ushaǵy Ózbekstan aýmaǵynda qulady dep boljanǵan jerden fotosýretter men beinematerialdar taratyldy. Keiinnen Ózbekstan Respýblikasynyń Qorǵanys ministrligi oqiǵanyń sebepterin jariialamai, Aýǵanstan áýe kúshteri ushaǵynyń apatqa ushyraý oqiǵasyn rastady.
