Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Saiasat

Ózbekstan aýǵan bosqyndaryna arnap lager qurdy

Ult portaly
Ózbekstan aýǵan bosqyndaryna arnap lager qurdy


Ózbekstanda aýǵan bosqyndaryna arnalǵan lager quryldy. Bul týraly osy lagerde jumys isteitin dárigerlerge súiene otyryp Gazeta.uz jazdy.

Ýaqytsha lager Aýǵanstanmen shektesetin Sýrhandariia oblysynyń Termez aýdanynda qurylǵan. Oǵan júzden asa bosqyndy ornalastyrǵan.

15 tamyz kúni «Taliban» (Qazaqstanda terroristik dep tanylǵan uiym) Aýǵanstan astanasy Kabýlge kirip, eldegi 20 jyldyq soǵystyń aiaqtalǵanyn málimdedi. Osy arada aýǵan úkimeti áskeriniń bir bóligi Ózbekstanǵa qashty degen aqpar tarady. Ózbekstan syrtqy ister ministrliginiń málimetinshe, 14 tamyz kúni Ózbekstan shekarasyn 84 aýǵan áskeri qyzmetkeri kesip ótken. Olar Ózbekstannan kómek suraǵan. Úsheýine tipti meditsinalyq járdem qajet bolǵan.

15 tamyz kúni keshke Ózbekstannyń Sýrhandariia oblysynda Aýǵanstan áýe kúshteriniń ushaǵy qulady. Ózbekstan qorǵanys ministrligi bul týraly «Aýǵanstan áskeri ushaǵy Ózbekstan áýe shekarasyn zańsyz ótpek boldy, Ózbekstan áýe kúshteriniń áýe shabýylynan qorǵaý kúshteri buǵan jol bermedi» dep málimdedi.

Osydan keiin Ózbekstan bas prokýratýrasy Aýǵanstannyń úsh Embraer 314 ushaǵy Ózbekstannyń Qarshi qalasyna qonýdy suraǵan, biraq olardy Ózbekstan áýe kúshteriniń eki MiG-29 ushaǵynyń súiemeldeýimen Termez áýejaiyna baǵyttaǵan. Bir aýǵan ushaǵy áýede joiǵysh ushaqpen soqtyǵysyp, jerge qulaǵan. Belgili bir ýaqyttan keiin bul habarlama mekemeniń Telegram kanalynan óshirildi. Ol habarlamada sondai-aq 14-15 tamyz kúnderi Aýǵanstannan Ózbekstanǵa 22 áskeri ushaq, 24 tikushaq zańsyz ótkenin, olardyń Termezge qondyrylǵany aitylǵan. Olarda jalpy sany 585 aýǵan áskeri qyzmetkeri bolǵan.

Ózbekstan sondai-aq Germaniiamen Aýǵanstandaǵy nemis azamattaryn evakýatsiialaý boiynsha kelisim jasaǵan. 17 tamyz kúni nemis ushaǵy Kabýlden Tashkentke 125 adamdy ákelgen. Olar ary qarai Germaniiaǵa ushady. Germaniia qorǵanys ministrligi meilinshe kóp adamdy evakýatsiialaý úshin Tashkent pen Kabýl arasynda áýe kópiri qurylǵanyn málimdedi.

Oqi otyryńyz