Foto: Depositphotos
Frantsiia astanasy Parij qalasynda ótip jatqan Olimpiada oiyndarynda Ózbekstan quramasy altyn medaldar sanyn 5-ke jetkizdi.
Búgin ózbekstandyq boksshylar Asahýdja Mýidinhýjaev (71 kg) pen Lazizbek Mýllajonov (-92 kg) Parij Olimpiadasyndasynyń chempiony atandy. Osylaisha finalǵa shyqqan ózbektiń bes boksshysynyń úsheýi altyn medalǵa qol jetkizip úlgerdi. Endi taǵy eki boksshy finalda judyryqtasady.
Atap aitsaq, Asahýdja Mýidinhýjaev finalda meksikalyq boksshy Marko Alonso Verde Alvaresti 5:0 esebimen utty. Al 92 kelige deiingi salmaqta Lazizbek Mýllajonov Ázirbaijan boksshysy Loren Berto Alfonso Domingespen judyryqtasyp, ol da qarsylasyn 5:0 esebimen utyp, Olimpiada chempiony atandy.
Osylaisha Parij Olimpiadasynda Ózbekstan quramasy búgin besinshi altyn júldelerine qol jetkizdi.
Altyn medalǵa boksshylardan bólek, dziýdoshy Diera Keldierova men taekvondoshy Ýlýgbek Rashidov ie boldy. Al boksshylardan ózbekter quramasyna alǵashqy altyndy Hasanboi Dýsmatov alyp bergen bolatyn.
Endi, 10 tamyzda Ózbekstannyń taǵy eki boksshysy Olimpiada altynyn sarapqa salady. Olar — 57 keli salmaqta Abdýmalik Halokov pen asa aýyr salmaqtaǵy Bahodir Jalolov.
