Iri ózbek kásipkeri Gafýr Rahimovtyń aty-jóni 15 qyrkúiekte Ózbekstandaǵy Interpol ókildiginiń tiziminen alynyp tastaldy. 2012 jyly AQSh qarjy ministrligi ony uiymdasqan qylmysty toptyń múshesi retinde «qara tizimge» engizgen. Biraq 65 jastaǵy Gafýr Rahimovtyń aty-jóni áli kúnge deiin AQSh-tyń «qara tiziminde» bar.
centralasian.org-tyń málimetinshe, «Gafýr Rahimov postsovettik memleketterdiń «Aǵaiyndy top» dep atalatyn qylmystyq toptyń basty múshesi. Bul uiym Ortalyq Aziia elderinde esirtki shyǵarýmen ainalysady. Rahimov álemdik iri esirtki operatsiialaryna qatysýdy jalǵastyryp keledi», – delingen AQSh qarjy ministrliginiń resmi saitynda jariialanǵan materialda.
Atalǵan qujatta Gafýr Rahimovtyń eki ózbekstandyq tól qujaty bary jazylǵan. Ondaǵy málimet boiynsha, qazir ol Dýbaida turady.
Keibir málimetterge qaraǵanda, 2012 jyly Gafýr Rahimovtyń Ózbekstandaǵy biznesine tekserýler júrgizilgennen keiin, ol óz erkimen Birikken Arab Ámirligine ketken.
