Ózbekstan oryndaýshysy Sardor Mamadaliev Aqtóbe oblysynda órtengen avtobýstan qaza tapqan 52 adamnyń rýhyna arnap án shyǵardy. Bul týraly Nuz.uz portalyna silteme jasap kaz.tengrinews.kz agenttigi jazady.
Eske salaiyq, osyǵan deiin Aqtóbede avtobýs órtenip, 52 adamnyń qaza tapqany jaily habarlanǵan bolatyn. Ikarus markaly avtobýstyń 18 qańtarda saǵat 10:30-da Aqtóbe oblysy Yrǵyz aýdanynda Samara - Shymkent tasjolynyń 1068 shaqyrymynda, Qalybai aýylynan 10 shaqyrym jerde órtengeni aitylǵan edi. Avtobýstyń ishinde 55 jolaýshy jáne eki júrgizýshi bolǵan. Onyń beseýi avtobýstan shyǵyp úlgergen. Keiin oqiǵa ornynan túsirilgen video men fotosýretter jariialandy. Sonymen qatar, IIM ókilderi órttiń neden shyqqanyn aitty.
