Qazaqstandyq boksshy, Tokio Olimpiadasy oiyndarynyń qola júlde iegeri Sáken Bibosynov jekpe-jekten keiingi óz oiymen bólisti, dep habarlaidy "Ult aqparat".
«Jekpe-jektiń birinshi raýndynda nokaýt bolmady, ekinshi raýndta men bar kúshimdi salǵandyqtan, qarsylasymnan basym tústim dep oilaimyn. Óz basym, jeńildim dep oilamaimyn, degenmen tóreshiniń sheshimi solai. Sondai-aq, bul kórsetkishpen toqtamaimyn, alda jiberilgen kemshilikter boiynsha jumys istep, odan ári jarysqa qatysyp, jeńiske jetemin», - dedi Bibosynov OKQ-de onlain ótken baspasóz máslihatynda.
Sondai-aq, boksshynyń jekpe-jegine qatysty QR Mádeniet jáne sport ministrligi Sport jáne dene shynyqtyrý isteri komitetiniń tóraǵasy Serik Sápiev te pikirin bildirdi.
«Búgingi jartylai finalda men Bibosynov jeńdi dep bilemin. Birinshi raýndta soqqyny jiberip alǵandyqtan, tóreshilerdiń bári birdei upaidy Sákenniń qarsylasy bolǵan aǵylshyn boksshysyna berdi. Al ekinshi raýndta 2:3 esebimen bizdiń sportshy basym tústi. Úshinshi raýndta tóreshi 3:2 upaimen jeńisti Bibosynovqa berdi. Tóreshiler ádil baǵa berdi me, jaýapty solardyń ar-uiatyna qaldyrdyq, jeke meniń oiym – Sáken jeńdi. Onyń «altyn» alý múmkindigi bar edi», - dedi Sápiev.
Aita keteiik, Tokio Olimpiadasynda qazaqstandyq boksshy Sáken Bibosynov (52 keli) qola júldeger atandy.
