Prezident Qasym-Jomart Toqaevtyń kún tártibindegi basymdyq – adami kapitaldyń sapasy, densaýlyq saqtaý, bilim berý jáne áleýmettik qorǵaý. Bul pikirdi QR Parlamenti Senatynyń tóraǵasy Máýlen Áshimbaev XVII Eýraziialyq media forýmda aitty, dep habarlaidy QazAqparat.
«Búginde Qazaqstan damýdyń jańa kezeńine aiaq basty. Prezident Qasym-Jomart Toqaev óziniń sailaýaldy baǵdarlamasynda sabaqtastyq, ádildik jáne órleý siiaqty damýdyń naqty baǵdaryn aiqyndady. Memleket Basshysynyń saiasaty eldiń ekonomikalyq jáne saiasi júielerin ári qarai jańǵyrtýǵa baǵyttalǵan. Eń aldymen, bul ekonomika qurylymyn ártaraptandyrý, ony tsifrlandyrý, óńdeý ónerkásibin damytý jáne eksportty keńeitý», - Máýlen Áshimbaev Eýraziialyq media forýmda Táýelsizdiktiń 30 jyldyǵyna arnalǵan sessiiada.
Senat tóraǵasy sońǵy eki jylda Qazaqstanda keshendi saiasi reformalar júrgizilgenin eske saldy. Reformalar jalǵasyp keledi, bul rette adam quqyqtaryna erekshe nazar aýdarylady.
«Jalpy, eldegi saiasi reformalar sánge erý nemese sailaýshylarmen oiyn oinaý emes. Bul el Prezidenti aiqyndaǵan memlekettiń strategiialyq baǵyty, ol óz kezeginde eldiń aldaǵy jyldardaǵy saiasi turaqtylyǵy men serpindi áleýmettik-ekonomikalyq damýynyń sharty bolyp sanalady», - dedi Senat tóraǵasy.
Sondai-aq, Senat tóraǵasy elimizde «halyq únine qulaq asatyn memleket» qaǵidaty negizinde memlekettik basqarý júiesiniń tiimdiligin arttyrý jumystary júrgizilip jatqanyn atap ótti.
«Prezident Qasym-Jomart Toqaevtyń kún tártibindegi basymdyq – adami kapitaldyń sapasy, densaýlyq saqtaý, bilim berý jáne áleýmettik qorǵaý. Qazirgi ýaqytta Qazaqstan – qarqyndy damyp kele jatqan memleket. Otyz jylda kóp nárse jasaldy. Eń bastysy – táýelsiz memleketimizdiń senimdi irgetasy qalandy. Degenmen alda odan da kóp nárse isteý kerek. Memlekettiliktiń irgetasyn saqtap jáne nyǵaita otyryp, Qazaqstandy álemge ashyqtyq, toleranttylyq jáne demokratiia qaǵidattarynda odan ári damytý óte mańyzdy», - deidi M. Áshimbaev.
