Búgin Elimizde Qazaqstan Respýblikasy Prezidentiniń 2018 jylǵy 19 aqpandaǵy № 637 Jarlyǵyna jáne Qazaqstan Respýblikasy Premer-Ministriniń 2018 jylǵy 13 naýryzdaǵy № 27 ókimimen bekitilgen «Qazaq tili álipbiin latyn grafikasyna 2025 jylǵa deiin kezeń-kezeńimen kóshirý jónindegi is-sharalar josparyna» sáikes respýblika boiynsha jalpyhalyqtyq diktant ótkizildi.
Sharanyń maqsaty Qazaqstan Respýblikasynyń til saiasatyn júzege asyrý, latyn negizdi qazaq tili álipbiin meńgerý, tildi meńgerýge degen qyzyǵýshylyqty arttyrý bolyp tabylady.
Elbasymyz Nursultan Nazarbaevtyń «Bolashaqqa baǵdar:rýhani jańǵyrý» atty baǵdarlamalyq maqalasynda aitylǵan mindetterdi júzege asyrý aiasynda ótken japyhalyqtyq sharaǵa otyrarlyqtar da ún qosyp, bir mezette 7500-ge jýyq halyq latyn qarpinde diktant jazdy. Diktant mátini arnaiy aýdio jazba arqyly tanysý, diktant jazý jáne emle tekserý úshin úsh ret tyńdaldy.
Diktant kezinde jergilikti turǵyndar esh qiyndyq bolmaǵanyn, sarapshylar usynǵan latyn álipbiiniń qolaily ekenin aityp, shara barysynda belsendilik tanytty. Elimizde memlekettik tildiń mártebesin kóterý, ult, el birligin nyǵaitý maqsatynda ótken sharanyń memleketimizdiń keleshegi úshin mańyzy zor. Óitkeni, latyn álipbiine kóshý arqyly el jastarynyń bilim jáne ǵylym jolyndaǵy izdenisterine dańǵyl jol ashylady. Sondai-aq bul elimizdiń damyǵan 30 eldiń qataryna ený jolynda jasaǵan igi qadamy desek te boldy.
