Túrkistan oblysy, Otyrar aýdanynda án padishasy Sh.Qaldaiaqovtyń 92 jyldyǵyna arnalǵan «Ánim sen ediń» atty is-shara ótti.
«Shámshi» saiabaǵynda ótken is-shara uly sazgerdiń eskertkishine gúl qoiý rásimi, kitap jáne sýret kórmesimen jalǵasyp, Shámshi mýzei úiin tamashalaýmen bastaý aldy. Odan soń Otyrar aýdandyq mádeniet saraiynyń qyzdar dýeti shyrqaǵan «Otyrardaǵy toi» áni halyqtyń kóńilinen shyqty.
Jiynnyń ashylý saltanatynda Otyrar aýdanynyń ákimi Sáken Sultanhanov otyrarlyqtardy mereili kúnmen quttyqtap, dańqty kompozitordyń murasy máńgi tarihta qalatynyn aitty. Belgili kompozitor, shámshitanýshy Qaldybek Qurmanáli quttyqtaý sóz sóilep, izgi lebizin bildirdi.
Rýhani kesh odan ári aýdan ónerpazdarynyń daiyndaǵan merekelik kontsertimen jalǵasyn tapty. Ánshi M.Tanashovanyń oryndaýyndaǵy «Aqmańdailym», «Aqsuńqarym», S.Ábdiraiymov oryndaǵan «Arys jaǵasynda», «Bastaý» triosy oryndaǵan «Qaiyqta» ánderi jan tebirentip, uly sazgerdi taǵy bir ret eske túsirdi. Kontsert ánshiler toby oryndaǵan «Shalqyǵan Sháýildir» ánimen qortyndylandy.
Shámshi Qaldaiaqov 1930 jyly qazirgi Túrkistan oblysy, Otyrar aýdanynda týǵan. Dańqty sazger, qazaq estradasynyń kórnekti ókiline biyl Memleket basshysynyń Jarlyǵymen «Qazaqstannyń Eńbek Eri» ataǵy berilgen bolatyn.
