«QTJ» UK» AQ-da óndiriske usynystary engizilip, ekonomikalyq tiimdilik ákelgen úzdik ratsionalizatorlarmen kezdesý ótkizildi.
2017 jyly Ulttyq tasymaldaýshy kompaniianyń qurylymdyq bólimshelerinde óndiriske 255 ratsionalizatorlyq usynys engizildi. Óndiristi jetildirý jobalary negizinen, jol qozǵalysy qaýipsizdigin qamtamasyz etý, ekologiia, eńbekti qorǵaý, jylý-ekonomikalyq resýrstardy únemdeý jailaryna arnaldy. Jańa sheshimder jóndeý jumystaryn jaqsartý jáne jyljymaly quram tartymyn paidalanýǵa arnaldy. Sonyń nátijesinde 435 million teńge únemdilikke qol jetkizildi.
«QTJ-Júk tasymaly» AQ qurylymdyq bólimsheleri arasyndaǵy úsh júzge jýyq ónertapqyshtardyń ishinde Aqmola, Qostanai, Pavlodar, Semei, Almaty, Shymkent júk tasymaly bólimsheleriniń ratsionalizatorlary belsendilik tanytty.
«QTJ –Júk tasymaly» AQ tehnikalyq saiasat jónindegi vitse-prezidentiniń mindetin atqarýshy Ivan Kostyrianyń aitýynsha, Kompaniiada tehnikalyq shyǵarmashylyqty damytý men ratsionalizatorlyq usynystardy qoldaýǵa erekshe kóńil bólingen.
«Ratsionalizatordyń usynysyn baǵalaý kezinde negizinen, ekonomikalyq tiimdiligi, jańashyldyǵy, daralyǵy, óndiriske engizilgennen keiingi bolashaǵyna taldaý júrgiziledi»,-dep atap ótti I. Kostyria.
- Ratsionalizatorlyq usynystardy qoldaýsyz jańashyldyqqa qol jetkizý múmkin emes. Bizdiń aldymyzda temirjol kóligi eńbekkerleriniń tehnikalyq shyǵarmashylyǵyn kóterip, óz eńbeginiń jemisin kórýge moraldyq jáne materialdyq yntalandyrý maqsatyn ustanyp otyrmyz. Aldaǵy ýaqytta «QTJ-Júk tasymaly» AQ «20 úzdik ratsionalizatorlyq usynys» reitingin engizýdi josparlap otyr. Sonyń negizinde jańashyldyq sheshimderdiń ieleri kadrlyq qorǵa tirkeledi. Ratsionalizatorlardyń laýazymdyq basqyshtarmen tabysty kóterilýine yqpal etetin bolady»,-dep túsindirdi I. Kostyria.
Úzdik ratsionalizatorlyq jumystardyń avtorlaryna syiaqy tabys etiledi. Marapat kólemi ratsionalizatordyń óndiriske engizgen jańashyldyǵynyń tiimdiligi mólsherine, tehnikalyq tapsyrmany oryndaýdaǵy sheshiminiń kúrdeliligine, onyń engizilý kólemine, odan túsetin ekonomikalyq kiris te esepteledi.
2017 jyly ratsionalizatorlarǵa 15 million teńge syiaqy berilse, biylǵy alǵashqy toqsannyń ózinde osy maqsatqa 3 million teńge jumsaldy.
Ratsionalizatorlarmen kezdesý kezinde jańashyldardyń birqatary óz oilaryn ortaǵa saldy. Qostanai vagon paidalaný deposynyń tehnikalyq qyzmet kórsetý beketiniń bastyǵy Marat Nurǵaliev, jeliniń ainalyp ótetin «jeńin» qoldanýdyń balamaly nusqasyn jasady.
«QTJ-Júk tasymaly» AQ filialy – «Qaraǵandy júk tasymaly bólimshesi» Óndiristik-tehnikalyq bóliminiń bastyǵy Aqyl Bilálovtiń aitýynsha, ózderiniń óndiristik jańashyldyǵy arqyly 49 million teńgeniń ekonomikalyq tiimdiligine qol jetkizdi. Onyń tehnikalyq sheshimi Astana-Qyrqynshy qýma jolyndaǵy kópir qurylysyn júrgizý kezinde qoldanyldy.
2017 jyly «QTJ» UK» AQ qurylymdyq bólimsheleri men enshiles kásiporyndary barlyǵyn qosqanda 1167 ratsionalizatorlyq usynystar óndiriske engizildi.
