Parlament Senatynyń jalpy otyrysynda «Qazaqstan Úkimeti men Ózbekstan Úkimeti arasyndaǵy Zańsyz kóshi-qonǵa qarsy kúrestegi yntymaqtastyq týraly kelisimdi ratifikatsiialaý týraly» Zań qabyldandy, dep habarlaidy "Ult aqparat".
Kelisimge 2019 jyly sáýirde Tashkent qalasynda eki el syrtqy ister ministrleri qol qoidy. Kelisimdi ratifikatsiialaý kóshi aǵyndaryn retteý, azamattardyń máselelerin sheshý jáne zańsyz kóshi-qon jelilerin anyqtaý úshin qolaily jaǵdailar jasaidy.
«Statistika boiynsha 2019 jyly shekara arqyly 6 mln azamat kirgen, onyń ishinde 2,5 milliony ózbek azamaty. 1,5 milliony tranzit arqyly basqa elge ketken, al 1 million azamat elimizde tirkelgen, onyń ishinde 500 myńnan astamy ýaqytsha kelip, jumys istegender. Osy kelisim arqyly qos azamattyqty joiyp, ulttyq qaýipsizdikti qamtamasyz etemiz. Negizi, Qazaqstan men Ózbekstan memleketterinde zań boiynsha qos azamattyq joq», - dedi QR Ishki ister ministri Erlan Turǵymbaev.
Onyń sózine qaraǵanda, ózbek tarapy kelisimdi ratifikatsiialaý tártibin aiaqtady.
Atap aitqanda, taraptar kóshi-qonmen ainalysatyn quzyretti organdar qyzmetkerlerin daiarlaý jáne olardyń biliktiligin arttyrý, zańsyz kóshi-qonǵa qarsy is-qimyl jónindegi birlese jedel-profilaktikalyq is-sharalardy uiymdastyrý túrindegi yntymaqtastyqty júzege asyrady.
