Almaty oblysyndaǵy mal sharýashylyǵynda mal men qus sany, et, sút, jumyrtqa óndirisi ulǵaidy. Máselen, ótken jyly "Imperiia Fýd" jáne "Qaiyńdy" eki iri et kombinaty iske qosylyp, segiz myń tonna et eksporttalǵan. Bul týraly búgin Taldyqorǵanda ótken halyq aldyndaǵy esep berý kezdesýinde Almaty oblysynyń ákimi Amandyq Batalov aitty.
Amandyq Batalovtyń sózine súiensek, germaniialyq investorlardyń "Jetisý qoi" usaq maldy tereń óńdeý jobasyn iske asyrý arqyly jáne Ile men Uiǵyr aýdandarynda úsh qus fabrikasyn iske qosý arqyly et eksporty jylyna 25 myń tonnaǵa jetkiziledi ("Naýryz Agro" - 15 myń bas, "Green Food" - 29 myń bas, "Prima Qus" - 37 myń bas).
- Taǵy bir jobany iske asyrý kózdelgen – bul jalpy investitsiia kólemi 190 mlrd. teńge bolatyn amerikalyq "Taison fýds" kompaniiasynyń iri et óńdeý zaýyty. Olardyń qýaty jylyna 500 myń basty óńdeýge jáne tórt myń jańa jumys ornyn ashýǵa múmkindik beredi. Alaida, mundai iri jobalardy iske asyrý úshin jem-shóppen qamtamasyz etýge sýarmaly jerler qajet. Biz irrigatsiialyq jerlerdi qalpyna keltirý úshin 40 mlrd. teńgege jobalyq-smetalyq qujattama daiyndadyq, onyń 19 mlrd. teńgesin Islam Banki qarjylandyrdy. Aqsý, Alakól, Eskeldi jáne Kóksý aýdandarynda irrigatsiialyq jelilerdi qaita jańartý jumystary júrgizilýde, - dedi oblys ákimi.
Jalpy ótken jyly oblysta 20 myń gektar sýarmaly jer qalpyna keltirildi. Sondai-aq Qyzylaǵash sý qoimasyn qaita jańartý aiaqtaldy, endi jeli salý jumysy bastalady, sonyń esebinen 7 myń gektar jer ainalymǵa tartylmaq. Oblys boiynsha 2025 jylǵa deiin barlyǵy 138 myń ga sýarmaly jer tartylatyn bolady.
Almaty oblysy ákiminiń baspasóz qyzmeti
