Almaty oblysynda ótken jyly týrister sany 19 protsentke artyp, 2,3 mln. adamnan asty. Olarǵa kórsetilgen qyzmetterdiń kólemi 1,2 ese ósip, 16 mlrd. teńgege jetti. Bul týraly oblys ákimi Amandyq Batalovtyń el aldyndaǵy esepti jiynynda belgili boldy, dep habarlaidy "Ult aqparat".
Amandyq Batalovtyń málimetine qaraǵanda, biyl Úsharal qalasynyń áýejaiyn qaita jańartý jumystary bastalady, bul úlken ushaqtardy qabyldaýǵa múmkindik beredi. Alakól kóliniń jaǵalaýynda sýmen jabdyqtaý, sý burý jelileriniń qurylysy jáne jaǵalaýdy bekitý jumystary júrgiziletin bolady. Bul demalýshylarǵa jaily jaǵdai jasaidy jáne olardyń sanynyń 1,5 mln. adamǵa deiin ósýine múmkindik beredi.
