Ótken táýlikte elimiz boiynsha vaktsinanyń birinshi komponentin - 88 myń, ekinshi komponentin 46 myńnan astam adam alǵan, dep habarlaidy "Ult aqparat".
Ortalyq kommýnikatsiialar qyzmetinde ótip jatqan brifingide Qoǵamdyq densaýlyq saqtaý ulttyq ortalyǵynyń basqarma tóraǵasynyń orynbasary Ainagúl Qýatbaeva osyndai málimet keltirdi.
«Búginde qazaqstandyqtar arasynda vaktsinatsiiaǵa degen umtylys pen belsendilik artyp otyr. Sońǵy táýlikte birinshi komponentpen 88 myńnan astam adam ekpemen qamtylsa, ekinshi komponentti 46 myńnan astam adam saldyrǵan.
Sońǵy málimetter boiynsha, birinshi komponentpen qamtamasyz etilgen halyq sany 3 335 172 bolsa, ekinshi dozamen 2 mln 596 adam egildi», - dedi ortalyq direktorynyń orynbasary.
