sýret ashyq derekkózden alyndy
Memleket basshysy Qasym-Jomart Toqaev balalarǵa qatysty zorlyq-zombylyq derekteri týraly aityp, qoǵamda da, otbasynda da barlyq jaǵdaidy toqtatýdy tapsyrdy, - dep habarlaidy "Ult aqparat" Aqordanyń baspasóz qyzmetine silteme jasap.
«Taǵy bir nazar aýdaratyn másele – jas urpaqtyń qaýipsizdigi. Balalarǵa qatysty jantúrshigerlik qylmystar jiilep ketti. Mundai oqiǵalar mektepte, kóshede, tipti, úide bolyp jatyr. Soraqy jaǵdailar oqýshylardyń ózine qol jumsaýyna sebepker bolyp otyr.
Tipti, ata-analardyń ózderi balasyna qorlyq kórsetip, onyń arty qaiǵyly jaǵdaiǵa ulasyp jatady. Otbasyndaǵy zorlyq-zombylyqtyń aldyn alý jumysy álsiz. Jaýapty mekemeler men quqyq qorǵaý organdarynyń qyzmeti oidaǵydai nátije bergen joq. Turmystyq zorlyq-zombylyqtyń aldyn alý saiasatyn qaita qaraýymyz kerek.
Áielder men balalardyń quqyqtaryn qorǵaý sharalaryn zańmen kúsheitý kerek. Otbasy qundylyqtaryn dáripteý isine erekshe kóńil bólgen jón. Taǵy da eskertemin, biz qoǵamdaǵy, kóshedegi, tipti ár úidegi qaýipsizdikti qamtamasyz etpesek, damyǵan elderdiń qataryna qosylýymyz qiyn bolady. Azamattarymyz erkin júrip-turatyn qaýipsiz qoǵam qurýymyz qajet» - dedi Prezident elimizdiń áleýmettik-ekonomikalyq damý máseleleri jónindegi keńeitilgen keńeste.
