Parlament Májilisiniń jalpy otyrysynda palata depýtattary «Otbasylyq-turmystyq zorlyq-zombylyqqa qarsy is-qimyl týraly» zań jobasyn jumysqa aldy, dep habarlaidy "Ult aqparat".
«Atalǵan zań jobasy Parlament depýtattary bastamasymen usynylyp otyr. Búgingi tańda otbasylyq-turmystyq ortada quqyq buzatyndardyń jaýapkershiligin qataitýǵa qatysty tiisti sharalar qabyldanyp jatqanyna qaramastan, bul másele ózekti kúiinde qalyp otyr. Osyǵan bailanysty ázirlengen zań jobasynda otbasyndaǵy zorlyq-zombylyqtyń alý máselesine airyqsha nazar aýdaryldy. Osy oraida, zańnamanyń maqsattary men mindetteri jáne qaǵidattary kúsheitildi», - dedi Májilistiń Áleýmettik-mádeni damý komitetiniń tóraǵasy Gúlshara Ábdiqalyqova.
Onyń sózine qaraǵanda, qujat aiasynda ókiletti memlekettik organdardyń quzyreti naqtylandy. Otbasylyq-turmystyq zorlyq-zombylyqtan zardap shekkenderdi qorǵaý jáne olarǵa qaýipsizdik sharalaryn qamtamasyz etý boiynsha normalar engizildi.
«Sonymen birge, otbasynda janjal shyǵarýshylardyń minez-qulqyn psihologiialyq ádistermen túzeýdiń, qoǵamdyq baqylaý institýtyn engizýdiń tetikteri qarastyrylýda. Buǵan qosa, politsiianyń zorlyq-zombylyqtyń kez kelgen faktisine jedel áreket etý boiynsha jaýapkershiligi kúsheitilýi, sondai-aq qaiǵyly jaǵdailardyń oryn alýyn boldyrmaý úshin otbasynda óktemdik jasaýshyny turǵyn úiden ýaqytsha shyǵarý jónindegi norma kózdeldi. Komitet zań jobasymen jumys isteýge jáne 2020 jylǵy 23 qyrkúiekke deiin qorytyndy ázirleýge daiyn», - dedi G. Ábdiqalyqova.
Sonymen qatar, palata depýtattary «Qazaqstan Respýblikasynyń keibir zańnamalyq aktilerine otbasylyq-turmystyq zorlyq-zombylyqqa qarsy is-qimyl máseleleri boiynsha ózgerister men tolyqtyrýlar engizý týraly» ilespe zań jobasyn jumysqa aldy.
