2026 jyldyń alǵashqy jartyjyldyǵynyń qorytyndysy boiynsha barlyq býyn qyzyǵa oqityn 10 shyǵarma aiqyndaldy. Tizim respýblikalyq mańyzy bar úsh jáne óńirlerdegi 17 kitaphananyń málimeti negizinde jasaldy, dep habarlaidy ult.kz.
Shyǵarmalardyń tizimin Baýyrjan Momyshulynyń «Ushqan uia» eńbegi bastaidy. Bul týyndyny 13 kitaphana eń kóp oqylatyn kitaptardyń qataryna engizgen. Shyǵarmada otbasy tárbiesi, úlkenge qurmet, ulttyq salt-dástúr men rýhani qundylyqtar keńinen kórinis tapqan. Sondyqtan ol búgingi kúni de ár býyn oqyrman úshin taǵylymy mol týyndy retinde baǵalanyp keledi.
Jinaqtalǵan málimet elimizde kóbine balalyq shaq, el tarihy, otbasy tárbiesi, ulttyq qundylyqtar men adamgershilik taqyryptaryn arqaý etken shyǵarmalarǵa qyzyǵýshylyq basym ekenin kórsetti.
