«Otbasylyq keńes berý» grantynyń arqasynda 27 sýitsidtiń aldy alyndy. Bul týraly búgin Májilistegi Úkimet saǵatynda QR Aqparat jáne qoǵamdyq damý ministri Dáýren Abaev aitty, dep habarlaidy QazAqparat.
«Granttyq qoldaý azamattyq qoǵam institýttaryn nyǵaitýdyń mańyzdy quraly bolyp qala beredi. Biyl jastarǵa qoldaý kórsetýge baǵyttalǵan 2,8 mlrd teńgege 56 granttyq joba júzege asyryldy. Áleýmettik jobalardyń tikelei oryndaýshylary 44 úkimettik emes uiym boldy. Olar búkil el boiynsha 1150 úkimettik emes uiymdy jumysqa tartty. Osylaisha, biz jastar úkimettik emes uiymdarynyń qarjylyq turaqtylyǵyn damytýǵa jáne olardyń azamattyq bastamalaryn keńeitýge yqpal etemiz», - dedi D.Abaev.
Máselen, onyń dereginshe, «Otbasylyq keńes berý» granty aiasynda 9 óńirde resýrstyq qoldaý áleýmettik qyzmetteriniń jumystary uiymdastyrylǵan.
«Olar birinshiden, júzdegen otbasyna qujattardy rásimdeý jáne járdemaqy alý boiynsha kómek kórsetti. Ekinshiden, 27 sýitsidtiń, úshinshiden, 38 ajyrasýdyń aldyn aldy. Oǵan qosa, ajyrasqan 29 otbasynyń qaita qosylýyna kómektesti jáne odan da basqa kóptegen jumystar atqardy», - dedi ol.
