Foto: pexels.com
Otbasy bank 16-25 qyrkúiek aralyǵynda Otaý jáne Naýryz baǵdarlamalary boiynsha qosymsha ótinim qabyldaitynyn jariialaidy. Bul týraly banktiń baspasóz qyzmetine silteme jasaǵan Ult.kz habarlaidy.
"Eger siz osyǵan deiin baǵdarlamalardyń negizgi tizimine kirmegen bolsańyz nemese qatysý týraly sheshimdi endi qabyldaǵan bolsańyz, bul sizdiń múmkindigińiz!" - deidi banktegiler.
Bank klientterdiń usynystaryn muqiiat qarastyryp, «Otaý» baǵdarlamasyna ózgerister engizilgen:
endi ótinim berý aldynda depozitti ashýǵa bolady, jinaqtaý merzimi eskerilmeidi.
Sondai-aq, Astana, Almaty qalalarynda nesie somasy 36 mln teńgege deiin, al basqa óńirlerde 30 mln teńgege deiin ulǵaityldy.
- - Almaty jáne Astana qalalarynda turǵyn úidi satyp alý ornynda tirkelý talaby joiyldy.
- - Áleýmettik osal toptarǵa jatatyn, turǵyn úige muqtaj jandar úshin syiaqy mólsherlemesi 7%-ǵa deiin tómendetildi.
- - Otaý jáne Naýryz baǵdarlamalary úshin biryńǵai balldyq esepteý júiesi engizildi.
"Otaý jáne Naýryz baǵdarlamalary Qazaqstannyń barlyq azamattaryna qoljetimdi, turǵyn úi kezeginde bolý mindetti emes. Bank usynylatyn turǵyn úi sanyn ulǵaitý maqsatynda Qazaqstannyń qurylys kompaniialarymen kelissózder júrgizýdi jalǵastyrýda. Qasysýshylardyń barlyǵy derlik qonystoiyn atap ótedi degen oidamyz", - delingen habarda.
