Sýret: Aqorda
Prezident Qasym-Jomart Toqaev Jambyl oblysy Otar aýylyndaǵy áskeri bólimde merzimdi qyzmetin ótep jatqan sarbazdyń komaǵa túsýine qatysty anasynyń áleýmettik jelilerde jariialaǵan úndeýimen tanysty. Bul týraly prezidenttiń baspasóz hatshysy Berik Ýále Facebook jelisinde habarlady.
"Memleket basshysy bolǵan oqiǵanyń mán-jaiyn muqiiat zerttep, kináli adamdardy jazalaýdy talap etti. Prezident Qorǵanys ministrine armiiada mundai jaǵdaiǵa jol bermeý qajet ekenin eskertip, tergeý amaldaryn baqylaýǵa alýdy tapsyrdy", - dep habarlady Berik Ýáli.
Eske sala keteiik, Jambyl oblystyq densaýlyq saqtaý basqarmasy ókilderi komaǵa túsken sarbazdyń jaǵdaiy týraly pikir bildirgen edi.
Vedomstvo málimetinshe, naýqas Qordai aýdandyq ortalyq aýrýhanasyna 9 maýsymda saǵat 08:18-de Gvardeisk áskeri gospitalinen jedel meditsinalyq kómek kórsetilýi úshin "polisegmentarlyq pnevmoniia" diagnozymen túsken. Jigitke oń jaq plevrit, 3-4 dárejeli infektsiialyq-toksikalyq shok, sepsis, organdar jetispeýshiligi sindromy, midyń gipoksiialyq isinýi, 2-3 dárejeli tserebraldy koma diagnozy qoiylǵan.
