Petropavlda otandyq ZiK kompiýterleriniń óndirisi iske qosyldy, dep habarlaidy "Ult aqparat" QR IIDM baspasóz qyzmetine silteme jasap.
13 tamyzynan bastap «Qazaqstan injiniring» ulttyq kompaniiasynyń enshiles kásiporyny Kirov atyndaǵy zaýyt alǵashqy 5 myń kompiýter tehnikasyn jinaqtai bastady, olar eldiń bilim basqarmasyna jetkizilmek.
Buryn habarlanǵandai 2020 jyldyń 1 shildesinde Maikrosoft pen «S.M.Kirov atyndaǵy zaýyt» arasynda ZiK kompiýterlerin Windows 10 Pro litsenziialyq operatsiialyq júiesimen jabdyqtaý týraly kelisimshartqa qol qoiylǵan bolatyn.
ZiK kompiýterleriniń birneshe úlgisi shildede Soltústik Qazaqstan oblysynyń bilim basqarmasynda qalalyq jáne aýyldyq mekemelerde arnaiy synaqtan ótken. Synaq nátijeleri boiynsha noýtbýkter mektepte paidalanýǵa usynyldy.
Qazirgi ýaqytta otandyq kompiýterler shyǵaratyn jobany lokalizatsiialaý úlesi shamamen 30% quraidy. Paiyz birtindep artyp keledi, bul bolashaqta paidalanýshylarǵa negizinen Qazaqstanda jasalǵan ónimderdi satyp alýǵa múmkindik beredi.
Zaýyt jyldyń aiaǵyna deiin tapsyrys berýshilerdiń suranysyna qarai, taǵy 60 myńǵa jýyq derbes kompiýter men noýtbýk óndirýdi josparlap otyr.
