Otandyq zańnama «sóz bostandyǵy» máselelerin retteitin halyqaralyq quqyq normalaryna sáikestendiriledi. Bul týraly QR Aqparat jáne qoǵamdyq damý vitse-ministri Kemelbek Oishybaev aitty, dep habarlaidy QazAqparat.
«Ministrlik BAQ salasyndaǵy naqty ahýaldy zerdeleýde. Halyqaralyq tájiribege taldaý jasap, zańnamaǵa túzetýler ázirleýde. Biz BAQ pen qoǵamdyq uiym basshylarynyń usynystaryn taldap, jinaqtaimyz. Kelesi jyly qoǵamdyq jumys tobyn quryp, talqylaýǵa shyǵaramyz.
Ministrlik zań jobasyn ázirleý kezinde ashyqtyq, jariialylyq qaǵidattaryn ustanyp, sala sýbektileriniń pikirin eskeredi», - dedi ol elordada ótip jatqan buqaralyq median zańnamalyq retteý týraly konferentsiiada.
Onyń aitýynsha, zańnamalyq ózgeristerdi ázirleýdegi maqsat – otandyq BAQ-tyń básekege qabilettiligin arttyrý úshin qolaily jaǵdailar jasaý jáne jýrnalisterdiń quqyqtaryn qorǵaý.
«Biz aldymyzǵa mynadai mindetterdi qoiyp otyrmyz:
- basqa elderdiń BAQ salasyndaǵy halyqaralyq tájiribesin jáne olardy qoldaný praktikasyn zerdeleý;
- otandyq zańnamany «sóz bostandyǵy» máselelerin retteitin halyqaralyq quqyq normalaryna sáikestendirý;
- aqparat ázirleý, alý jáne taratý protsesterimen bailanysty qoǵamdyq qatynastardy retteý;
- BAQ máselelerin retteitin qoldanystaǵy ulttyq zańnamanyń olqylyqtary men qaishylyqtaryn joiý», - dedi Kemelbek Oishybaev.
