QR klinikalyq jáne irgeli meditsina akademigi, Asfendiiarov atyndaǵy QazUMÝ epidemiologiia kafedrasynyń jáne Qazaq meditsinalyq úzdiksiz bilim berý ýniversitetiniń professory Sáken Ámireev onlain brifing barysynda «QazVac» vaktsinasyna qatysty pikirin bildirdi, dep habarlaidy QazAqparat.
Onyń aitýynsha, qazir qoldanylyp jatqan eki vaktsinada synaqtyń barlyq túrinen ótken. Ekeýin de qoldanýǵa dúniejúzilik densaýlyq saqtaý uiymy ruqsat berdi.
«Qazaqstanda buǵan deiin reseilik «Spýtnik V» vaktsinasy salynyp keldi. Bul álem boiynsha eń senimdi vaktsinanyń biri dep sanalady. Sondyqtan ony álemniń 60-tan astam eli qoldanýda, onyń ishinde Qazaqstan da bar. Sondai-aq elimiz «QazVac» otandyq vaktsinasyn jasap shyǵardy. Ol da qaýipsiz jáne tiimdiligi joǵary, osy eki kriterii qatań saqtalǵan. Óitkeni ol barlyq synaqtan ótti, sondyqtan Dúniejúzilik densaýlyq saqtaý uiymy ony qoldanýǵa ruqsat berdi», - deidi professor.
Sáken Ámireev otandyq vaktsinaǵa qatysty oiyn bildirdi.
«Elimizde salynyp jatqan eki vaktsinanyń qaisysyn tańdaý ol óz qalaýyńyzda. Degenmen biz otandyq ónimdi qoldaýymyz kerek», - dedi ol.
