قر كلينيكالىق جەنە ٸرگەلٸ مەديتسينا اكادەميگٸ, اسفەنديياروۆ اتىنداعى قازۇمۋ ەپيدەميولوگييا كافەدراسىنىڭ جەنە قازاق مەديتسينالىق ٷزدٸكسٸز بٸلٸم بەرۋ ۋنيۆەرسيتەتٸنٸڭ پروفەسسورى سەكەن ەمٸرەەۆ ونلاين بريفينگ بارىسىندا «QazVac» ۆاكتسيناسىنا قاتىستى پٸكٸرٸن بٸلدٸردٸ, دەپ حابارلايدى قازاقپارات.
ونىڭ ايتۋىنشا, قازٸر قولدانىلىپ جاتقان ەكٸ ۆاكتسينادا سىناقتىڭ بارلىق تٷرٸنەن ٶتكەن. ەكەۋٸن دە قولدانۋعا دٷنيەجٷزٸلٸك دەنساۋلىق ساقتاۋ ۇيىمى رۇقسات بەردٸ.
«قازاقستاندا بۇعان دەيٸن رەسەيلٸك «سپۋتنيك V» ۆاكتسيناسى سالىنىپ كەلدٸ. بۇل ەلەم بويىنشا ەڭ سەنٸمدٸ ۆاكتسينانىڭ بٸرٸ دەپ سانالادى. سوندىقتان ونى ەلەمنٸڭ 60-تان استام ەلٸ قولدانۋدا, ونىڭ ٸشٸندە قازاقستان دا بار. سونداي-اق ەلٸمٸز «QazVac» وتاندىق ۆاكتسيناسىن جاساپ شىعاردى. ول دا قاۋٸپسٸز جەنە تيٸمدٸلٸگٸ جوعارى, وسى ەكٸ كريتەريي قاتاڭ ساقتالعان. ٶيتكەنٸ ول بارلىق سىناقتان ٶتتٸ, سوندىقتان دٷنيەجٷزٸلٸك دەنساۋلىق ساقتاۋ ۇيىمى ونى قولدانۋعا رۇقسات بەردٸ», - دەيدٸ پروفەسسور.
سەكەن ەمٸرەەۆ وتاندىق ۆاكتسيناعا قاتىستى ويىن بٸلدٸردٸ.
«ەلٸمٸزدە سالىنىپ جاتقان ەكٸ ۆاكتسينانىڭ قايسىسىن تاڭداۋ ول ٶز قالاۋىڭىزدا. دەگەنمەن بٸز وتاندىق ٶنٸمدٸ قولداۋىمىز كەرەك», - دەدٸ ول.
