QR Indýstriia jáne infraqurylymdyq damý vitse-ministri Arystanbek Qabykenov aǵymdaǵy jyly eksportqa shyǵarylatyn taýarlardy atady, dep xabarlaidy QazAqparat tilshisi.
«Biyl eksporttyń geografiiasy keńeiedi degen josparymyz bar. Temirjol ónimderi - Mysyr, Ázerbaijan men Ózbekstanǵa, ammiak selitrasy - Grýziiaǵa, sary fosfor men fosfor-kalii tyńaitqyshtary - AQSh, Chexiia, Germaniia men Polshaǵa, balmuzdaq - Mońǵoliiaǵa, sý, sút pen et - Aýǵanstan, Singapýr men Qytaiǵa, jeńil kólikter - Qyrǵyzstanǵa, armatýra - Tájikstanǵa, saflor maiy - Japoniiaǵa, natrii tsianiti - Reseige, amonii sýlfaty - Qyrǵyzstan, Resei men Tájikstanǵa, xrom ónimderi men alkogolsiz sýsyndar - Japoniia, Ulybritaniia, Túrkiia, Aýǵanstan men Belarýs eline, qurylys qyzmetteri, sintetikalyq mikrofibra, shoiyn buiymdary jáne avtobýstar jaqyn shetelge eksporttalady», - dedi A.Qabykenov Úkimet úiinde ótken baspasóz máslixatynda.
Aita keteiik, resmi málimetke sáikes, 2018 jyly on bir aidyń ishinde jalpy eksporttyń kólemi 54,7 milliard AQSh dollaryna jetti. Bir jyldyń ishinde atalǵan kórsetkish 26,4 protsentke ósti. Sonyń ishinde shikizattyq emes ónimderdiń kólemi 2,9 protsentke artyp, 14,3 milliard dollardy qurady. Al óńdeý ónerkásibiniń eksporty 9 protsentke ósip otyr.
«Búginde Qazaqstan 119 elge 800-ge jýyq ónimdi eksporttaidy. Eksporttyq qorjynymyz jyl saiyn orta eseppen 5-8 ónimmen tolyqtyrylyp otyrady», - dep atap kórsetti A.Qabykenov.
