QR Premer-Ministri Baqytjan Saǵyntaevtyń tóraǵalyǵymen ótken Úkimet otyrysynda óńdeý sektorynda eńbek ónimdiligin arttyrý máselesin qaraý barysynda energetika vitse-ministri B. Aqsholaqov munai óńdeý jáne munai-gaz himiiasy salasynda ónimder óndirisi boiynsha atqarylyp jatqan jumystar týraly baiandady, dep habarlaidy "Ult aqparat".
Energetika ministrliginiń derekterine sáikes, 2018 jyldyń I jarty jyldyǵynyń qorytyndysy boiynsha munai óńdeý salasyndaǵy eńbek ónimdiligi $89,6 myń/adamdy, 2017 jyldyń sáikes kezeńimen salystyrǵanda naqty ósim 114,2% qurady. Eńbek ónimdiligi otandyq munai óńdeý zaýyttarynyń (Atyraý MÓZ, Pavlodar MHZ, Shymkent MÓZ jáne «Kaspi Bitým» JShS) negizgi munai ónimderin óndirýi esebinen ulǵaityldy.
«2018 jyldyń 6 aiynda 1713,6 myń t avtobenzin, 119,1 myń t aviakerosin, 2093 myń t dizel otyny jáne 375 myń t bitým óndirildi. 2018 jyly 3,9 mln t avtobenzin (2017 jylǵa 130,9%), 389 myń tonna aviakerosin (2017 jylǵa 128,4%), 4,4 mln tonna dizel otyny (2017 jylǵa 110,2%), 2,59 mln t mazýt (2017 jylǵa 78,96%) jáne 823 myń t bitým (2017 jylǵa 112,6%) óndirisi kútilýde», — dedi B. Aqsholaqov.
2018 jyldyń I jarty jyldyǵynyń qorytyndysy boiynsha munai-gaz himiiasy salasyndaǵy eńbek ónimdiligi $8,2 myń/adamdy, 2017 jyldyń sáikes kezeńine naqty ósim — 109,7% qurady. Energetika vitse-ministriniń aitýynsha, negizinen eńbek ónimdiliginiń artýy polipropilen jáne metil-tret-býtil efiriniń óndirisin ulǵaitý esebinen qamtamasyz etilgen.
Jalpy munai-gaz himiiasy salasynda 2018 jyldyń 6 aiynda 7,6 myń t benzol, 16,6 myń t polipropilen, 12,4 myń tonna metil-tretbýtildi efir óndirildi.
Osy jyldyń qarasha aiynda paraksilol óndirisi bastaldy jáne 6,1 myń t kóleminde óndirý kútilýde. Benzol óndirisi — 11,3 myń t, polipropilen — 27,3 myń t, 18,3 myń t — metil-tretbýtildi efir óndirisi kútilýde.
«Jalpy eńbek ónimdiligi turaqty ulǵaiýda. Osy baǵyttaǵy jumysty odan ári jalǵastyramyz», — dep túiindedi vitse-ministr.
