Densaýlyq saqtaý júiesine jarty jylda qajetti maska kólemi - 111,2 million dana. Bul týraly Ortalyq kommýnikatsiialar qyzmetinde ótken dárilik zattardy, meditsinalyq ónimderdi jáne ókpeni jasandy jeldetý apparattaryn otandyq óndirý týraly brifingide aityldy, dep habarlaidy "Ult aqparat".
Densaýlyq saqtaý júiesine jarty jylda qajetti maska kólemi - 111,2 million dana. Osy qajettilikti óteý maqsatynda óndiris kólemi arttyryldy jáne 4 óndiris orny qosylyp, nátijesinde bir táýlikte shyǵarylatyn meditsinalyq maska men profilaktikalyq qorǵaityn maska sany 1,1 millionǵa jetken.
«70 tigin tigý kásiporyndaryna osyndai qiyn kezeńde shette qalmai, maska tikkenderi úshin alǵys aitamyn. «Azala Textile» JShS dáke shyǵaratyn 9 stanokty iske qosyp, dáke shyǵarý kólemin 8 esege arttyrdy. Tigin tigý kásiporyndaryna arnap táýligine 1,2 metrden bastar 10 myń metr dáke shyǵarady», - deidi QR Indýstriia jáne infraqurylymdyq damý vitse-ministri Amaniiaz Erjanov.
Onyń aitýynsha, TJ kezinde atalǵan JShS tigin tigý kásiporyndaryn tyǵyzdyǵy az maqtadan toqylǵan matamen qamtamasyz etken.
«Farmatsevtikalyq jáne tigin tigý kásiporyndarynyń uiymshyl jumysynyń arqasynda meditsinalyq jáne profilaktikalyq qorǵaný maskasy táýligine 1 million danadan astam shyǵarylatyn boldy», - deidi ol.
