«Otandastar» qory qandastardy tikelei saýaldary boiynsha qabyldaityn bailanys ortalyǵyn ashpaq. Bul týraly qordyń baspasóz qyzmeti habarlady.
Baspasóz qyzmetiniń aqparatyna sáikes, mundai bastamany qor Prezidenti Nurtai Ábiqaev málimdegen.
«Daiarlanǵan jumys jospary aiasynda «Otandastar» qory janynan arnaiy bailanys ortalyǵyn ashpaqpyz. Onda qandastarymyzdyń ózderin mazalaityn barlyq suraqqa jaýap alýyna múmkindigi bolady. Jobalyq basqarý tásili arqyly bul ortalyqta elge oralǵan jáne oralýǵa nietti otandastarymyzǵa qajetti barlyq aqpar jinaqtalatyn bolady. Atalmysh bastama aldymen Astana men Almatyda, odan keiin elimizdiń basqa da aimaqtarynda uiymdastyrylady. Jobany júzege asyrý barysynda ortalyq memlekettik organdary, profildik kompaniialar jáne uiymdarmen birigip jumys isteimiz degen oidamyn», - dedi Nurtai Ábiqaev.
