Foto: Keiipkerdiń jeke muraǵatynan
Bálkim, bul Oljas dúniege kelgende jas náresteni aialaǵan ata-anasy "....osy dúniege kelgen ulymyz barsha el tanityn, Semei poligonyn jabý isinde asqan belsendilik tanytqan, aqyn Oljas Súleimenov aǵamyzdai bolsyn" - dep, sol aqyn aǵamyzdyń esimin bergen bolsa kerek?! Dál qazirgi tańda, sol Oljas esimdi qazaq azamaty "Astana" óńirlik qolbasshylyǵy áskerleriniń 06708 áskeri bóliminde qyzmet etedi. Osy ásker ortadaǵy 2-shi Reaktivti artilleriialyq diviziony komandiriniń Tárbie jáne ideologiialyq jumystary jónindegi orynbasary laýazymyndaǵy maior Abenov Oljas Keńesbekuly ózine berilgen tapsyrmalardy buljytpai oryndap, Abenovter otbasy jeke quram arasyndaǵy eń úlgili otbasylardyń biri bolyp sanalady.
Ómirden Otan qorǵaý qyzmetin tańdaǵan Oljas Abenov 1993 jyly qyz mezgiliniń 12 qańtary kúni Shyǵys Qazaqstan oblysynyń Tarbaǵatai aýdanynda qarasty Shilikti aýylynda dúniege kelgen. Jeti jasynda mektep tabaldyryǵyn alǵash attaǵan Oljas on bir jyl boiy bilim alǵan bilim oshaǵyn 2011 jyly tabysty aiaqtaidy.
Ákesi Keńesbek Zeinollaev búgingi kúnde Shilikti aýylynda mal dárigeri bolyp eńbek etse, anasy Záýre Asqarqyzy aýyldyq mekteptiń sharýashylyq qyzmetin atqaryp júr. Otbasynyń úlkeni bolyp sanalatyn ápkesi Móldirden keiin er jetken Oljas kishkentaiynan áskeri adam bolýdy armandaidy. 2011 jyly mektepti tabysty aiaqtaǵan albyrt sezimdegi jas túlek Almaty qalasynyń Saǵadat Nurmaǵambetov atyndaǵy Qurlyq áskerleriniń Áskeri institýtyna Tárbie qurylymynyń ofitseri mamandyǵy boiynsha oqýǵa túsedi. Osy atalǵan áskeri oqý ornyn 2015 jyly támamdaǵan leitenant Oljas Abenov áskeri qyzmetin Óskemen qalasynda ornalasqan Qurlyq áskerleri "Shyǵys" óńirlik qolbasshylyǵy áskerleriniń 27943 áskeri bóliminde bastap, 2018 jylǵa deiin qyzmet atqarady. 2018-2024 jyldary aralyǵynda Saǵadat Nurmaǵambetov atyndaǵy Qurlyq áskerleriniń Áskeri institýtynda rota komandiriniń Tárbie jáne ideologiialyq jumystary jónindegi orynbasary, rota komandiri syndy jaýapty qyzmetterdi atqarady. 2024 jyly Qurlyq áskerleri Bas qolbasshysynyń buiryǵymen Qaraǵandy oblysynyń Priozersk qalasynda ornalasqan "Astana" óńirlik qolbasshylyǵy áskerleriniń 06708 áskeri bólimindegi 1-shi Reaktivti artilleriialyq diviziony komandiriniń Tárbie jáne ideologiialyq jumystary jónindegi orynbasary laýazymdyq qyzmetine taǵaiyndalady. 2024 jyly Túrkistan oblysynyń Shymkent qalasyndaǵy Muhtar Áýezov atyndaǵy Ońtústik Qazaqstan ýniversitetiniń pedagogika jáne psihologiia mamandyǵy boiynsha magistratýrany bitirgen.
Búgingi kúnde áskeri otbasynda Oljas Keńesbekuly jubaiy Aiaýjanmen birge 1 qyz jáne 1 ulǵa taǵylymdy tárbie berip keledi. Áskeri shendegi Oljastyń ómirlik jaryn Aiaýjan Rashitbekqyzy Priozersk qalalyq aýrýhanasynda dáriger bolyp eńbek etedi. Januianyń úlkeni Keńesbek Aibibi Oljasqyzy biyl mektep tabaldyryǵyn alǵash ret attama, ekinshisi Keńesbek Erbatyr Oljasuly balabaqshada tálim-tárbie alyp júr.
Aita ketý kerek, "aǵasy bardyń - jaǵasy bar" - demekshi, aǵasynyń áskeri ómir jolyn qýǵan Oljas Keńesbekulynyń inisi Maǵjan Abenov te osy biyl Saǵadat Nurmaǵambetov atyndaǵy Qurlyq áskerleriniń Áskeri institýtyn támamdap, áskeri qyzmetin Almaty qalasyndaǵy desanttyq shabýyldaýshy 61993 áskeri bólimindegi vzvod komandiri laýazymynan bastap ketti.
Basqalarǵa da úlgi bolarlyq áskeri shendegi Oljas Abenovtiń otbasyna tek shattyq pen qýanysh tileimiz!
Dýman Jumashuly,
Priozersk garnizonynyń baspasóz hatshysy
