Nursultan Nazarbaev «Astana» halyqaralyq qarjy ortalyǵyn basqarý jónindegi keńes tóraǵasynyń orynbasary Sýma Chakrabartimen kezdesti, dep habarlaidy elbasy.kz.
Kezdesýde taraptar pandemiia jaǵdaiyndaǵy álem ekonomikasynyń odan ári damý perspektivasyna qatysty pikir alysty.
Elbasy álemde epidemiologiialyq ahýaldyń nasharlaýy jańa daǵdarysqa ákep soǵýy múmkin ekenin aitty.
– Búginde pandemiia saldarynan kúrdeli kezeń qalyptasyp otyr. Osylai jalǵasa berse, jańa daǵdarystar týyndaýy yqtimal. Qazirdiń ózinde qaryz daǵdarysy paida boldy, infliatsiia daǵdarysy beleń alyp, energiia resýrstary arzandaidy degen boljam bar, – dedi Nursultan Nazarbaev.
Áńgime barysynda taraptar óńirdegi ekonomikalyq jaǵdaidyń damý boljamdaryn, sondai-aq syn-qaterlerdiń aldyn alý sharalaryn ázirleý máselelerin talqylady.
