Foto: ashyq derekkóz
Óskemende qaza tapqan sarbazǵa qatysty qylmystyq is sotqa joldandy. Bul týraly Bas prokýratýra habarlady.
Tergeý barysynda Óskemen garnizonyndaǵy áskeri bólimderdiń birinde qyzmet atqarǵan batalon jáne vzvod komandirleriniń is-áreketine quqyqtyq baǵa berildi.
Prokýratýra málimetinshe, laýazymdy tulǵalar áskeri jarǵy talaptaryn óreskel buzyp, birneshe ret jarǵydan tys qarym-qatynasqa jol bergen. Qaza bolǵan sarbazǵa jáne onyń alty áriptesine júieli túrde psihologiialyq qysym kórsetilgen. Budan bólek, vzvod komandiri qarý-jaraqty saqtaý tártibine baqylaý júrgizbei, qyzmettik mindetterin tiisti deńgeide oryndamaǵan.
Tergeý barysynda quqyqbuzýshylyqtarǵa qatysy bar barlyq qyzmetkerler anyqtaldy. Qylmystyq is bilikti asyra paidalaný jáne qyzmetke salǵyrt qaraý baptary boiynsha qozǵalyp, sot qaraýyna berildi.
Oqiǵadan keiin áskeri bólim komandiri men onyń eki orynbasary qyzmetinen bosatyldy. Sonymen qatar, 9 laýazymdy tulǵa tártiptik jaýapkershilikke tartylǵan.
Eske sala keteiik, 23 qańtarda Óskemen garnizonynda sarbaz Q. Ospanov qaraýyl qyzmetin atqarý kezinde ózine oq atyp, alǵan jaraqatynan qaitys bolǵan.
