فوتو: اشىق دەرەككٶز
ٶسكەمەندە قازا تاپقان ساربازعا قاتىستى قىلمىستىق ٸس سوتقا جولداندى. بۇل تۋرالى باس پروكۋراتۋرا حابارلادى.
تەرگەۋ بارىسىندا ٶسكەمەن گارنيزونىنداعى ەسكەري بٶلٸمدەردٸڭ بٸرٸندە قىزمەت اتقارعان باتالون جەنە ۆزۆود كومانديرلەرٸنٸڭ ٸس-ەرەكەتٸنە قۇقىقتىق باعا بەرٸلدٸ.
پروكۋراتۋرا مەلٸمەتٸنشە, لاۋازىمدى تۇلعالار ەسكەري جارعى تالاپتارىن ٶرەسكەل بۇزىپ, بٸرنەشە رەت جارعىدان تىس قارىم-قاتىناسقا جول بەرگەن. قازا بولعان ساربازعا جەنە ونىڭ التى ەرٸپتەسٸنە جٷيەلٸ تٷردە پسيحولوگييالىق قىسىم كٶرسەتٸلگەن. بۇدان بٶلەك, ۆزۆود كومانديرٸ قارۋ-جاراقتى ساقتاۋ تەرتٸبٸنە باقىلاۋ جٷرگٸزبەي, قىزمەتتٸك مٸندەتتەرٸن تيٸستٸ دەڭگەيدە ورىنداماعان.
تەرگەۋ بارىسىندا قۇقىقبۇزۋشىلىقتارعا قاتىسى بار بارلىق قىزمەتكەرلەر انىقتالدى. قىلمىستىق ٸس بيلٸكتٸ اسىرا پايدالانۋ جەنە قىزمەتكە سالعىرت قاراۋ باپتارى بويىنشا قوزعالىپ, سوت قاراۋىنا بەرٸلدٸ.
وقيعادان كەيٸن ەسكەري بٶلٸم كومانديرٸ مەن ونىڭ ەكٸ ورىنباسارى قىزمەتٸنەن بوساتىلدى. سونىمەن قاتار, 9 لاۋازىمدى تۇلعا تەرتٸپتٸك جاۋاپكەرشٸلٸككە تارتىلعان.
ەسكە سالا كەتەيٸك, 23 قاڭتاردا ٶسكەمەن گارنيزونىندا سارباز ق. وسپانوۆ قاراۋىل قىزمەتٸن اتقارۋ كەزٸندە ٶزٸنە وق اتىپ, العان جاراقاتىنان قايتىس بولعان.
