Óskemende Abaidyń 175 jyldyǵy aiasynda ótken jeńil atletikadan Qazaqstan Respýblikasynyń chempionaty máresine jetti, dep habarlaidy "Ult aqparat".
El chempionatyna biyl 260 sportshy qatysty. Ekinshi jarys kúniniń sońynda jeńimpazdar men júldegerlerdi Shyǵys Qazaqstan oblysynyń ákimi, QR jeńil atletika federatsiiasynyń prezidenti Danial Ahmetov marapattady.
«Chempionatta respýblikalyq deńgeidegi eki jańa rekord ornatyldy. Atap aitqanda, Qaraǵandy oblysynyń sportshysy David Efremov 60 m qashyqtyqty kedergiler arqyly 7.64 sek ýaqytta júgirip, 13-15 naýryzda Nankin qalasynda (Qytai) ótetin álem chempionatyna qatysý múmkindigine ie boldy. Sondai-aq, qostanailyq sportshy Tatiana Neroznak 3 000 qashyqtyqty 9:16,80 sek ýaqytta júgirip ótip, el rekordyn jańartty», - dedi ShQO Dene shynyqtyrý jáne sport basqarmasynyń baspasóz qyzmeti.
Saiys qorytyndysy boiynsha I oryndy Qaraǵandy oblysynyń sportshylary ielense, ShQO atletteri II orynǵa ie boldy. Al Qostanai oblysynan kelgen qatysýshylar III orynǵa aiaq tiredi.
Jeńimpazdar men júldegerler ár deńgeili halyqaralyq jáne álemdik jarystarda el namysyn qorǵamaq. Sonyń ishinde 12-13 aqpanda ótetin Aziia Chempionatyna qatysý da josparlanǵan.
