Foto: ShQO TJD baspasóz qyzmeti
Óskemendegi janar-jaǵarmai quiý beketinde oqys oqiǵa bolyp, er adam qaza tapty. Taǵy bir zardap shekken jasóspirim aýrýhanaǵa jetkizildi. Bul týraly Shyǵys Qazaqstan oblysynyń Tótenshe jaǵdailar departamenti habarlady, - dep jazady Tengrinews.kz.
Vedomstvo málimetinshe, 28 shildede tańǵy saǵat 8.52 shamasynda Promyshlennaia kóshesi boiyndaǵy janar-jaǵarmai quiý beketiniń aýmaǵynda bóshkeni janar-jaǵarmaidan tazalaý kezinde aýa qospasy atqylaǵan. Biraq órt shyqpaǵan.
"Saldarynan 2010 jyly týǵan jasóspirim denesin termiialyq kúiik shalyp, aýyr halde aýrýhanaǵa jatqyzyldy. ShQO Tótenshe jaǵdailar departamentiniń qutqarýshylary 1980 jyly týǵan er adamnyń denesin rezervýardan alyp shyqty. Aldyn ala málimet boiynsha, ol rezervýardy tazalap jatqan jáne oǵan syrtta 2010 jylǵy týysy kómektesip turǵan", - delingen habarlamada.
